Túrkııanyń Ortalyq banki ınflıatsııanyń baıaýlaýyn kútip otyr

ASTANA. KAZINFORM — Túrkııanyń negizgi qarjy retteýshisi ınflıatsııalyq kórsetkish boıynsha oń boljamyn jasady, dep habarlaıdy Kazinform menshikti tilshisi. 

Túrkııanyń Ortalyq banki ınflıatsııa qarqyny boıynsha jańartylǵan boljamyn jarııalap, aldaǵy jyldary baǵa ósiminiń birtindep tómendeıtinin belgiledi.

Retteýshi organnyń basshysy Fatıh Qarahannyń aıtýynsha, eldegi ınflıatsııa 2025 jyldyń sońyna qaraı 31-33%-ǵa deıin baıaýlaýy, al 2026 jylǵa qaraı 13-19%-ǵa deıin tómendeýi tıis.

— Inflıatsııany tómendetý protsesi kezinde biz aralyq maqsattarǵa jetý úshin qatań aqsha-nesıe saıasatyn ustanýdy jalǵastyramyz, — dep atap ótti Qarahan.

Sarapshylardyń pikirinshe, Ortalyq banktiń málimdemesi bıznestiń tarapynan qysymǵa qaramastan paıyzdyq mólsherlemelerdi kóterý jáne ótimdilikti qatań baqylaý saıasatyn saqtaý nıetin tanytyp otyr.

Inflıatsııany tómendetý jyldar boıy baǵa turaqsyzdyǵynan keıin Túrkııa bıliginiń negizgi maqsattarynyń biri bolyp qalyp otyr. Retteýshi organ saıasatty qatańdatý túrik lırasyna senimdi qalpyna keltirip, turaqty ekonomıkalyq ósimniń negizin qalaıdy dep úmittenedi.

Buǵan deıin Túrik lırasy óz qunynyń 97%-yn joǵaltqanyn jazǵan bolatynbyz.