Túrkııanyń ońtústik-shyǵysynda jer silkindi

Túrkııanyń Apat jáne tótenshe jaǵdaılardyń aldyn alý jáne basqarý basqarmasynyń (AFAD) málimeti boıynsha, ázirge eshqandaı shyǵyn nemese qurban bolǵandar týraly aqparat joq. Alaıda, qaladaǵy mektepterdiń jumysy ýaqytsha toqtatyldy, al sýmen jabdyqtaý júıesinde sýdyń laılanǵany anyqtaldy.

Jer silkinisiniń epıtsentri Malatııa provıntsııasynyń Battalgazı aýdanynda ornalasqan. Agenttik málimeti boıynsha, jer silkinisi jergilikti ýaqyt boıynsha tańǵy saǵat 9:00-de 7,03 shaqyrym tereńdikte tirkelgen.

Shamamen bir jarym saǵattan keıin aımaqta 3,6 baldyq jer silkinisi boldy. Tereńdigi 12,1 shaqyrym.

Jer silkinisi tek Malatııada ǵana emes, sonymen qatar Kahramanmarash, Dııarbakyr jáne basqa da kórshiles aımaqtarda sezildi.

Malatııa gýbernatory Seddar ıAvýz provıntsııadaǵy barlyq bilim berý mekemelerinde sabaqtardyń bir kúnge toqtatylǵanyn jarııalady. Ol bul sheshim turǵyndar men stýdentterdiń qaýipsizdigi úshin qabyldanǵanyn aıtty.

Jer silkinisinen keıin bılik qalanyń bir bóligin qamtamasyz etetin Gúndúzbeı bulaǵynan aýyz sýdyń laılanǵanyn habarlady. Mýnıtsıpaldyq jáne sanıtarlyq organdar sýdyń sapasyn taldap, tekserip jatyr. Turǵyndarǵa jaǵdaı qalpyna kelgenshe aýyz sý paıdalanarda saq bolýǵa keńes berildi.

Túrkııanyń ishki ister mınıstri Mustafa Chıftchı qutqarý jáne baqylaý qyzmetteri jer silkinisinen keıin birden aýmaqty zertteı bastaǵanyn málimdedi.

Buǵan deıin Qytaıdyń ońtústiginde jer silkinisinen eki adam qaza tapqanyn habarlaǵan edik.