Túrkııanyń ońtústik-shyǵysynda 5,4 baldyq jer silkinisi tirkeldi
ASTANA. KAZINFORM — Túrkııanyń ońtústik-shyǵysyndaǵy Shanlyýrfa provıntsııasynyń Karakeprıý aýdanynda 5,4 baldyq jer silkinisi tirkeldi, dep habarlaıdy Kazinform agenttiginiń Ankaradaǵy menshikti tilshisi.
Túrkııanyń Tótenshe jaǵdaılar jáne apattar basqarmasynyń (AFAD) málimetinshe, jer silkinisi 7,39 shaqyrym tereńdikte bolǵan. Jerasty dúmpýi Dııarbakyr, Mardın, Sıırt, Shyrnak, Batman, Gazıantep, Adyıaman jáne Malatıa provıntsııalarynda da sezilgen.
Jer silkinisinen keıin turǵyndar úılerinen shyǵyp, kóshelerge, saıabaqtar men basqa da ashyq alańdarǵa jınaldy. Shanlyýrfa provıntsııasynyń gýbernatory Hasan Shıldaktyń aıtýynsha, dúrbeleńnen shoshyp qalǵan 40-qa jýyq adam dárigerlerdiń kómegine júgingen.
Onyń sózinshe, ázirge qıraǵan ǵımarattar anyqtalǵan joq. Mamandar ǵımarattardy, sonyń ishinde mektepter men meshitterdi tekserip jatyr. Shanlyýrfadaǵy jer silkinisine baılanysty barlyq bilim berý mekemelerinde, sondaı-aq balabaqshalar men kúndizgi kútim ortalyqtarynda sabaq toqtatyldy.
Túrkııanyń Tótenshe jaǵdaılar jáne apattar basqarmasy jer silkinisinen zardap shekkender men qıraǵan nysandar týraly málimet tirkelmegenin habarlady. Aımaqtaǵy jaǵdaıdy baǵalaý jalǵasyp jatyr.
Buǵan deıin Túrkııanyń ońtústigindegi Adana provıntsııasynda 5 baldyq jer silkinisi tirkelgenin habarlaǵan edik. Dúmpý kórshiles tórt óńirde de sezilgen.
