Túrkııanyń ońtústik-batys, ońtústik-shyǵys provıntsııalarynda aptap ystyq bolyp jatyr

YSTAMBUL. KAZINFORM — Túrkııalyq sınoptıkterdiń boljaýynsha, shilde-tamyz aılarynda búkil Túrkııada aýa temperatýrasy Tselsıı boıynsha +43 gradýsqa deıin kóterilip, rekordtyq kórsetkishke jetýi múmkin.

Túrkııada ótken shildede aptap ystyq boldy. Odan keıin Ystambulda aýa temperatýrasy +41 gradýsqa deıin kóterildi.

Mundaı ystyq aýa raıy sońǵy 85 jyldaǵy rekord retinde tirkeldi. Meteorologtardyń málimetinshe, 1938 jyly eń joǵary jylý +40 gradýs Tselsıı bolǵan.

Al, Antalııa kýrortynda aýa temperatýrasy qazirdiń ózinde +37 gradýsqa deıin kóterilse, eldiń batysynda - Izmır oblysynda +36 gradýsqa deıin kóterildi.

Ystyqtyń kesirinen túnde de túrik jaǵajaılary týrıster men jergilikti turǵyndarǵa toldy.

Túrkııanyń ońtústik-shyǵys bóliginde termometrler qazir rekordty jańartyp jatyr. Shanlyýrfa provıntsııasynda aýa temperatýrasy +49 gradýsqa deıin kóterildi. Adamdar kóleńkede tyǵylyp, sýburqaqtar men basqa da sý aıdyndarynda shomylýda.