Túrkııanyń ońtústiginde 5 baldyq jer silkinisi boldy
ASTANA. KAZINFORM — Búgin tańerteń Túrkııanyń ońtústigindegi Adana provıntsııasynda 5 baldyq jer silkinisi boldy. Dúmpý kórshiles tórt óńirde de sezildi, biraq zardap shekkender joq, ǵımarattar qıramaǵan, dep habarlaıdy TASS.
Túrkııanyń apat saldaryn joıý basqarmasynyń (AFAD) málimetine súıensek, ázirge dúmpýdiń saldary baıqalmaıdy.
— Adana provıntsııasynyń Saımbeılı aýdanynda tańǵy saǵat 4:02–de bolǵan jáne Kahramanmarash, Osmanıe, Kaıserı jáne Gazıantep provıntsııalarynda sezilgen 5 baldyq jer silkinisinen keıin qazirgi ýaqytta eshqandaı jaǵymsyz áser tirkelgen joq. Aýdandy zertteý jumystary jalǵasyp jatyr, — delingen AFAD túrik gazetinde jarııalanǵan málimdemede.
Adana provıntsııasynyń ákimshiligi de jer silkinisinen keıin ǵımarat qıraǵany týraly tótenshe jaǵdaılar qyzmetine eshqandaı qońyraýlar túspegenin habarlady. AFAD mamandary men basqa da tıisti mekemeler aımaqty zertteýdi jalǵastyrady, bılik jaǵdaıdy baqylap otyr.
Eske sala keteıik, senbi kúni Qytaıda 4,4 baldyq jer silkinisi bolǵan.
Al oǵan deıin bir kúnde eki ret jer silkinisi tirkelgen bolatyn.
Nurlan Tuıaqov
