Túrkııanyń negizgi basymdyǵy Gazadaǵy qıraýdy toqtatý — Qorǵanys mınıstrligi
ASTANA. KAZINFORM – Túrik-Palestına dostyq aýrýhanasynyń qıraýy adamı qundylyqtarmen úılespeıdi dedi vedomstvo, dep jazdy Anadoly.
Gaza sektorynda Túrkııanyń kúsh-jigerimen salynǵan jáne onkologııalyq naýqastardy emdeýge arnalǵan Túrik-Palestına dostyq aýrýhanasyn Izraıl armııasynyń qıratýy adamı qundylyqtarmen úılespeıdi.
Bul týraly aptalyq brıfıngte Túrkııa Ulttyq qorǵanys mınıstrliginiń resmı ókili Zekı Aktúrk málimdedi.
Ol Túrkııanyń basymdylyǵy Gaza sektoryndaǵy qıraýdy toqtatý jáne Palestına eksklavynda turaqty atysty toqtatý ekenin atap ótti.
— Biz halyqaralyq qaýymdastyqty Izraıldiń zańsyz shabýyldaryna, qyrǵyndaryna jáne Palestına halqyn májbúrlep kóshirýine qarsy naqty jáne tejeý sharalaryn qabyldaýǵa taǵy da shaqyramyz, — dedi ol.
Ankaranyń lańkestikpen kúresýdegi kúsh-jigeri týraly aıta otyryp, ol Túrik Qarýly Kúshteriniń «elge tóngen lańkestik qaterdi tolyǵymen jáne birjola joıýǵa erik-jigeri men jigerine toly» ekenin atap ótti.
Onyń aıtýynsha, bıylǵy jyldyń basynan beri Irak pen Sırııanyń soltústiginde túrik áskerıleri zalalsyzdandyrǵan lańkesterdiń sany 537-ge jetken.
Buǵan deıin habarlanǵandaı, Gazadaǵy qurbandar sany 50 myńnan asqanyn jazǵan bolatynbyz.