Túrkııanyń Mármár teńizi jaǵalaýdan 20 metrge shegingen

ASTANA.KAZINFORM — Bul qubylys Túrkııanyń batysyndaǵy Tekırdagtyń Marmara Ereglısı aýdanynda baıqalyp, jergilikti turǵyndar arasynda alańdaýshylyq týdyrdy, dep habarlaıdy Habertürk.  

Sý tartylǵan jerlerde qumdy araldar paıda bolyp, birneshe qaıyq taıaz jerlerde qalyp qoıjy. Jaǵalaýdaǵy bul kórinis jergilikti turǵyndar arasynda alańdaýshylyq týdyrdy.

— Men teńiz sýynyń bulaı tartylǵanyn sońǵy ret úsh jyl buryn kórdim. Ol kezde de sý shamamen osy mólsherde shegindi. Ótken aptaǵa deıin teńiz deńgeıi qalypty deńgeıde boldy. Bizdi tańdandyrǵany — sýdyń óte qysqa merzimde tartylyp qalýy, — dedi jergilikti turǵyn Sezer Akcha.

Sý deńgeıiniń kúrt tartylý sebebi ázirge naqtylanǵan joq.

Buǵan deıin túrik ǵalymy Túrkııanyń Mármár teńizine tónetin negizgi seısmıkalyq qaýipti anyqtaǵan bolatyn.