Túrkııanyń Manısa qalasynda mektep mańynda atys boldy
ASTANA. KAZINFORM — Oqý ornynyń mańynda bolǵan atystan 11 adam zardap shekti, kúdikti ustaldy. Bul týraly Kazinform agenttiginiń Ankaradaǵy menshikti tilshisi habarlaıdy.
Oqıǵa tańerteń Manısa provıntsııasynyń Týrgýtlý aýdanyndaǵy Indjı ıÝzmez atyndaǵy kásiptik-tehnıkalyq lıtseıdiń mańynda bolǵan. Atys týraly habar túsken soń oqıǵa ornyna polıtsııa qyzmetkerleri men jedel járdem jiberildi.
Aldyn ala málimet boıynsha, atystan 11 adam zardap shekti. Olardyń barlyǵy jaqyn mańdaǵy medıtsınalyq mekemelerge jetkizildi.
Kúdikti polıtsııa qyzmetkerleriniń qolyna tústi. Oqıǵaǵa baılanysty ákimshilik jáne sot tergeýi bastaldy.
Túrkııanyń vıtse-prezıdenti Djevdet Iylmaz ulttyq bilim jáne ishki ister mınıstrleriniń oqıǵa ornyna barǵanyn málimdedi.
Túrkııanyń Radıo jáne televızııa jónindegi joǵarǵy keńesi (RTÜK) buqaralyq aqparat quraldaryn tekserilmegen aqparat pen zorlyq-zombylyq kórinisteri bar kadrlardy taratpaýǵa, sondaı-aq oqýshylardyń, olardyń otbasylary men bilim berý mekemesi qyzmetkerleriniń jeke málimetterin jarııalamaýǵa shaqyrdy.
Buǵan deıin Túrkııa bıligi Kahramanmarash pen Shanlyýrfada bolǵan qarýly oqıǵalardan keıin mektepterdegi qaýipsizdikti kúsheıtý jónindegi keshendi jospar engizgenin habarlaǵan bolatynbyz.
Aqzat Jıenalına
