Túrkııanyń Malatıa qalasynda 5,9 baldyq jer silkinisi boldy

ASTANA. KAZINFORM — Túrkııa úkimetiniń Tótenshe jaǵdaılardyń aldyn alý jáne tabıǵı apattardy basqarý basqarmasynyń (AFAD) habarlaýynsha, jerasty dúmpýleri jergilikti ýaqyt boıynsha saǵat 10.46-da tirkelgen, dep jazady Anadoly.

Jer silkinisiniń oshaǵy Kale qalasynda 10,7 km tereńdikte ornalasqan.

Azamattar úıleri men keńselerin tastap, jaqyn mańdaǵy saıabaqtar men alańdarǵa jınaldy.

Jerasty dúmpýleri Shanlyýrfa, Adyıaman, Kılıs, Gazıantep jáne Kahramanmarash provıntsııalarynda da sezildi.

Kaledegi birneshe búlingen ǵımarat qorshaýǵa alynyp, qaýipsizdik sharalary kúsheıtildi.

Malatıa provıntsııasynyń gýbernatory Seddar ıAvýz qaza tapqandar týraly málimet joq ekenin aıtty.

Onyń aıtýynsha, Kalede jer silkinisi bolǵanǵa deıin sot isi jalǵasyp jatqan ǵımarattardan basqa barlyq apatty ǵımarattar súrilgen. ıAvýz bul ǵımarattardaǵy adamdar kóp ýaqyt buryn qaýipsiz jerge kóshirilgenin atap ótti.

«Jelide qulaǵan ǵımarat vıdeolary tarady, biraq bul eski vıdeolar. Olar ǵımarattardy súrý kezinde túsirilgen. Sondyqtan azamattardan dúrbeleń týdyrýy múmkin jalǵan sýretterdi taratpaýlaryn suraımyz», — dedi ol.

ıAvýz jer silkinisinen keıin tekserý júrgizilip jatqanyn, qurban bolǵandar, jaraqat alǵandar nemese ǵımarattardyń qıraýy týraly aqparat bolmaǵanyn atap ótti.

Sonymen birge, qala gýbernatory turǵyndardy buryn evakýatsııalanǵan apatty ǵımarattarǵa jaqyndamaýǵa shaqyrdy.

ıAvýz qaýipsizdik maqsatynda mekteptegi sabaqtardyń bir kúnge toqtatylǵanyn aıtty.

Buǵan deıin habarlaǵanymyzdaı, Jerorta teńizinde magnıtýdasy 4,2 ball jer silkinisi boldy.

Sondaı-aq, Almatyda Mass Alert jer silkinisin eskertý júıesi synaqtan ótkiziletini aıtyldy.