Túrkııanyń ІІM Imamoglýny qyzmetinen ýaqytsha shettetti

ANKARA. KAZINFORM — Túrkııanyń ishki ister mınıstrligi qamaýǵa alynǵan Ystambul meri Ekrem Imamoglý men Ystambul mýnıtsıpalıtetteriniń eki basshysyn ýaqytsha qyzmetinen shettetken.

Bul týraly mınıstrlik taratqan habarlamada aıtylǵan, dep málim etti Túrkııanyń NTV arnasy.

— Ystambul meri Ekrem Imamoglý jeke málimetterdi zańsyz aldy, para aldy jáne tender tártibin buzdy degen aıyppen qamaýǵa alyndy. Konstıtýtsııanyń 127-babyna jáne «Mýnıtsıpalıtetter týraly» zańnyń 47-babyna sáıkes, Іshki ister mınıstrligi ony ýaqytsha qyzmetinen shettetti, — delingen qujatta.

Ystambul Beılıkdýzý mýnıtsıpalıtetiniń basshylary Mehmet Mýrat Chalyk pen Shıshlı aýdanynyń basshysy Emrah Shahan da ýaqytsha jumystan bosatyldy. Olar da Imamoglýǵa qatysty is boıynsha qamaýǵa alyndy.

Aıta keteıik, buǵan deıin sybaılas jemqorlyq boıynsha aıyptalǵan Ystambul meri qamaýǵa alynǵanyn habarladyq.