Túrkııanyń quqyq qorǵaý organdary izdeý salǵan er adam Almatyda ustaldy
ALMATY. KAZINFORM — Almaty qalasynyń halyqaralyq áýejaıynda ІІM Interpol UOB-nyń suraýy boıynsha jelilik polıtsııa bóliminiń qyzmetkerleri 67 ınternet-alaıaqtyq faktisi boıynsha Túrkııanyń quqyq qorǵaý organdarymen halyqaralyq izdeýde júrgen sheteldik azamatty ustady. Bul týraly Polisia.kz jazdy.
— Kúdikti 2018 jyly úı janýarlaryn satý týraly jalǵan ınternet-jarnama arqyly jábirlenýshilerdi aldap, 67 adamnyń aqshasyn ıemdenip, Túrkııa elinen boı tasalaǵan. Qazirgi ýaqytta ol ýaqytsha ustaý ızolıatorynda qamaýda, — delingen habarlamada.
Eske sala keteıik, buǵan deıin Óskemende halyqaralyq izdeýde júrgen sheteldik ustalǵanyn jazǵan bolatynbyz. Ol 1 aqpanynan bastap asa iri mólsherde alaıaqtyq jasady degen kúdikpen memleketaralyq izdeýde júrgen jerinen qolǵa túsken edi.