Túrkııanyń qorǵanys-ónerkásip kesheniniń eksporty 10 mlrd dollardan asty
ASTANA. KAZINFORM – Túrkııa 2025 jyldyń sońyna qaraı qorǵanys jáne avıatsııa eksporty boıynsha jańa rekord ornatty, dep habarlaıdy Kazinform menshikti tilshisi.
Túrkııa Prezıdenti ákimshiligi janyndaǵy Qorǵanys ónerkásibi basqarmasynyń basshysy Halýk Gergıýnniń málimdeýinshe, eldiń qorǵanys jáne avıatsııa ónerkásibindegi eksporty ótken jyly 10 mlrd dollardan asty.
- Nátıjeler kútkennen de asyp tústi. Bul Túrkııanyń jalpy eksport kórsetkishteri boıynsha da, qorǵanys ónerkásibinde de rekordtar jańarǵan jyl boldy, - dep atap ótti ol.
Onyń aıtýynsha, bul sektordaǵy eksport 2024 jyly 7,1 mlrd dollardy qurasa, 2025 jyly shamamen 48%-ǵa artyp, 10,5 mlrd dollarǵa jetti.
Buǵan deıin Túrkııa 2025 jyldyń aqpan aıynda qorǵanys jáne aeroǵarysh ónimderi eksportynyń maksımaldy ósimin kórsetkenin jazdyq.
Sondaı-aq Túrkııa áýe tasymaly boıynsha tarıhı rekordty jańartqanyn habarladyq.