Túrkııanyń Fergani FGN-100-d2 spýtnıgi orbıtaǵa sátti shyǵaryldy

Ulttyq resýrstardy paıdalana otyryp ázirlengen Fergani Uzay kompanııasynyń ekinshi FGN-100-d2 spýtnıgi ǵaryshqa saparyn sátti bastady, dep habarlaıdy Anadolý.

Baykar aqparatyna súıensek, Baykar dırektorlar keńesiniń tóraǵasy jáne tehnologııalyq jetekshisi Selchýk Baıraktar negizin qalaǵan Fergani Uzay kompanııasy FGN-100-d2 spýtnıgin 2025 jylǵy 2 qarasha kúni Túrkııa ýaqytymen 08:09-de AQSh-taǵy Kanaveral múıisindegi SLC-40 ushyrý alańynan ǵaryshqa jiberdi. Osylaısha, Fergani Uzay navıgatsııalyq spýtnıkter toby jobasynyń ekinshi kezeńi tabysty aıaqtaldy.

104 kg salmaǵy bar FGN-100-d2 — Túrkııanyń eń iri jeke spýtnıgi. Ol SpaceX Bandwagon-4 mıssııasy aıasynda ushyryldy. Starttan 74 mınýt ótken soń, Túrkııa ýaqytymen 09:23-te apparat zymyran tasyǵyshtan bólinip, josparlanǵan orbıtaǵa shyqty jáne alǵashqy telemetrııalyq derekterin jiberdi.

Ushyrý protsesin onlaın túrde Ozdemır Baıraktar atyndaǵy Ulttyq tehnologııalyq ortalyǵynda ornalasqan Ǵaryshtyq baqylaý jáne basqarý ortalyǵynan Selchýk Baıraktar jáne onyń komandasy baqylap otyrdy.

Aıta keteıik, Qytaı jerdi qashyqtan zondtaıtyn jańa spýtnıgin ǵaryshqa ushyrǵanyn jazdyq.