Túrkııanyń energııa júıesinde kún men jel úlesi 33 paıyzǵa jetti

ASTANA. KAZINFORM - Túrkııada kún men jel elektr stanııalary qýatynyń birlesken úlesi bıylǵy jyldyń basynan beri 40 myń megavatty qurady. Bul eldiń aımaǵyndaǵy qýattyń úshten biri, dep habarlaıdy Kazinform agenttiginiń Ankaradaǵy menshikti tilshisi.

Jyl basyndaǵy derekke sáıkes, eldegi kún jáne jel elektr stantsııalarynyń jıyntyq qýaty 40 myń megavattan asty. Qańtar aıynyń sońynda Túrkııanyń jalpy ornatylǵan elektr qýaty 123 284 megavatqa jetken.

Túrkııanyń Energetıka jáne tabıǵı resýrstar mınıstrliginiń málimetinshe, jańartylatyn energııa kózderi 77 114 megavatt nemese jalpy qýattyń 62,5 paıyzyn quraıdy.

Kún energııasy turaqty ósim kórsetip keledi. Onyń ornatylǵan qýaty 25 827 megavattqa jetip, jalpy kórsetkishtiń 20,9 paıyzyna teń boldy. Al jel energııasynyń qýaty 14 862 megavattty qurap, úlesi 12,1 paıyzǵa jetti.

Osylaısha, qańtar aıynda eldegi kún jáne jel elektr stantsııalarynyń jıyntyq qýaty 40 689 megavattqa jetip, Túrkııanyń jalpy ornatylǵan qýatynyń 33 paıyzyn qurady.

Bul - eldiń jańartylatyn energııa kózderin damytýǵa baǵyttalǵan júıeli saıasatynyń nátıjesi.

Buǵan Túrkııada jel energetıkasynyń qýaty 16 GVt-qa jýyqtaǵany týraly jazdyq.

Sondaı-aq Túrkııa energetıkada halyqaralyq yntymaqtastyqty nyǵaıtpaq.