Túrkııanyń eń iri banknoty birtindep qunsyzdanyp jatyr

ASTANA. KAZINFORM – Túrkııanyń ulttyq valıýtasy qunyn joǵaltyp jatyr. Buny 200 túrik lırasynyń nomınaly mysalynda aıqyn dáleldeýge bolady. Banknottyń satyp alý qabileti 16 jyl ishinde 95%-ǵa tómendedi, dep habarlaıdy Kazinform menshikti tilshisi.

Sońǵy bir jylda aınalymdaǵy 200 monetalyq kýpıýralar sany 76%-ǵa óskenine qaramastan, olardyń naqty quny aıtarlyqtaı tómendedi.

2009 jyly 200 lıra 125 dollarǵa balama bolsa, 2025 jyly bul soma aǵymdaǵy baǵam boıynsha (36,42 TL/USD) bar bolǵany 5,49 dollardy qurap otyr. Bul eldegi ınflıatsııa men ekonomıkalyq daǵdarystyń ulttyq valıýtanyń satyp alý qabiletine qanshalyqty áser etkenin kórsetedi.

2009 jáne 2025 jyldary satyp alý qabiletin salystyrý arqyly ár jyldary 200 lıraǵa ne satyp alýǵa bolatynyn qarastyrýǵa bolady.

Mysaly, 2009 jyly bul soma 4 gramm altyn satyp alýǵa jetkilikti boldy (bir gramy 46,75 lıra baǵasymen). Búginde dál osyndaı 4 gramm altyndy satyp alý úshin 200 lıralyq banknottyń 17-si, ıaǵnı kem degende 3 400 lıra (shamamen 94 dollar) qajet.

Túrkııa Ortalyq bankiniń (TR OB) ınflıatsııa kalkýlıatorynyń málimetinshe, 2009 jylǵy 20 túrik lırasy búgin 257 lıraǵa, 10 túrik lırasy búgin 128 lıraǵa, 5 túrik lırasy búgin 64 lıraǵa teń.

Buǵan deıin Túrkııada sapasyz ónimderdi tutyný qaýpi týraly eskertilgenin jazǵan bolatynbyz.