Túrkııanyń batysyndaǵy Kýtahıa provıntsııasynda 5,4 baldyq jer silkinisi boldy

ASTANA. KAZINFORM – Túrkııadaǵy Kýtahıa provıntsııasynda jer silkindi. 

Bul týraly Túrkııanyń Apattar jáne tótenshe jaǵdaılardy basqarý basqarmasynyń (AFAD) saıtynda habarlandy.

Jerasty dúmpýi jergilikti ýaqyt boıynsha 12:59-da tirkelgen. Ony kórshi oblystardyń turǵyndary da sezgen.

Jer silkinisiniń oshaǵy Sımav aımaǵynda boldy. Qaınar kózi 8,46 km tereńdikte ornalasqan. 

Ázirge zardap shekkender men qıraýlar týraly aqparat túsken joq. 

Buǵan deıin habarlaǵanymyzdaı, Mıanmadaǵy kúshti jer silkinisi ejelgi monastyr saraıyn ashýǵa kómektesti.