Túrkııanyń batysynda 4,5 baldyq jer silkinisi boldy

ASTANA. KAZINFORM — Túrkııanyń batysyndaǵy Kıýtahıa qalasynda magnıtýdasy 4,5 baldyq jer silkinisi boldy, dep jazady Report.

Bul týraly Túrkııanyń Apattar jáne tótenshe jaǵdaılardy basqarý basqarmasy (AFAD) málimdedi.

Aqparatqa sáıkes, jer silkinisi jergilikti ýaqyt boıynsha 07:23–te (Qazaqstan ýaqytymen 09:23) qalanyń batysyndaǵy Sımav aýdanynda tirkelgen. Jer silkinisiniń oshaǵy 8,81 km tereńdikte ornalasqan.

— Qurbandar men qıraýlar týraly aqparat joq, — delingen habarlamada.

Aıta keteıik, buǵan deıin Túrkııanyń soltústik-batysynda 6,2 baldyq jer silkinisi bolyp, kem degende 236 adam zardap shekkenin jazdyq.

Túrkııa bıligi jer silkinisinen ǵımarattardyń zaqymdanýy týraly 378 habarlama alǵan.

Qasym-Jomart Toqaev Rejep Taııp Erdoǵanǵa Ystanbul mańynda bolǵan jer silkinisine baılanysty qoldaý bildirdi.