Túrkııanyń barlyq óńirinde bombapana qurylysy bastaldy

ASTANA. KAZINFORM — Túrkııa barlyq 81 provıntsııasynda bombapana salýǵa kiristi, dep habarlaıdy Middle East Eye Ankaranyń josparlarymen tanys derekkózge silteme jasap. 

Basylym derekkóziniń habarlaýynsha, prezıdent Redjep Taıyp Erdoǵan maýsym aıynda ótken úkimet otyrysynda jobany maquldaǵan. Ol kezde Iran men Izraıl 12 kúndik soǵys jaǵdaıda-tuǵyn.

Túrkiıa turǵyn úı jáne qurylys basqarmasyna býnkerlerdi salý tapsyryldy. Túrkııa Ulttyq barlaý akademııasy daıyndaǵan «Izraıldiń Iranǵa qarsy 12 kúndik soǵysy» týraly baıandamada úkimetke erte habarlaý júıelerin engizýdi jáne jaqsy jabdyqtalǵan bombapanalardy salýdy usynǵany habarlandy.

Sondaı-aq baıandamada iri qalalardaǵy metro stantsııalaryn paıdalaný jáne aımaqtyq qaqtyǵys jaǵdaıynda beıbit turǵyndardyń shyǵynyn barynsha azaıtý sharalaryn qoldaný usynylady.

Basylymnyń habarlaýynsha, túrik sheneýnikterin iri qalalarda salynǵan ızraıldik áýe shabýylyna qarsy bombapanalardyń keń jelisi tańdandyrdy. Bul bompanalar soǵys kezinde beıbit turǵyndarǵa panalaýǵa múmkindik berdi.

Seısenbi kúni Túrkııanyń NTV arnasy bul bastamanyń maqsaty «bolýy múmkin soǵystar nemese apattar, sonyń ishinde ıadrolyq qaýip-qater kezinde beıbit turǵyndardy qorǵaýǵa bolatyn qaýipsiz aımaqtar qurý» ekenin habarlady.

Qazir Túrkııada bombapana ınfraqurylymynyń jetkiliksiz ekeni jáne bar nysandardyń negizgi talaptarǵa saı kelmeıtini atap ótildi. Atap aıtqanda, 1987 jylǵy «Túrkııada bombapanalardy uıymdastyrý» týraly ereje belgili bir kólemdegi ǵımarattarda bombapanalar bolýyn talap etedi. Degenmen is júzinde bul talap jıi elenbeıdi: bombapana retinde belgilengen aýmaqtar kóbinese avtoturaq nemese qoıma retinde paıdalanyldy.

Qurylys mekemeleri Japonııa men Shveıtsarııa sııaqty bombapanalardy salýdyń halyqaralyq tájirıbesin zerttep jatqandaryn aıtty. NTV keıbir qalalarda, sonyń ishinde Ankarada qurylys qazirdiń ózinde bastalǵanyn aıtty.

Eske sala keteıik, Túrkııa soqqy jasaıtyn dron eksportynda álemde kósh bastap tur.