Aýǵanstan men Pákistan: Ystambulda atysty túpkilikti toqtatý máselesi talqylanady
ASTANA. KAZINFORM — Túrkııa prezıdenti Rejep Taıyp Erdoǵannyń nusqaýymen Dohada kelissózder ótip, onda Pákistan men Aýǵanstan arasynda syndarly dıalog ornatýǵa múmkindik týdy, dep habarlaıdy Anadoly.
Túrik qaýipsizdik agenttikterindegi derekkózderdiń habarlaýynsha, kelissóz Túrkııa Ulttyq barlaý uıymynyń (MIT) basshysy Ibrahım Kalynnyń qatysýymen ótken.
Atysty toqtatý týraly pikirtalasqa eki eldiń joǵary laýazymdy tulǵalary, sonyń ishinde Pákistan men Aýǵanstannyń barlaý qyzmetiniń basshylary men qorǵanys mınıstrleri qatysty. Kezdesýdegi negizgi máseleler atysty toqtatý merzimin uzartý, sondaı-aq shekaradaǵy sońǵy qarýly oqıǵalardyń sheshimin tabý boldy.
Túnniń bir ýaǵyna deıin jalǵasqan kelissózdi memleket basshylary jiti baqylap, talqylaýlardyń barysy týraly jedel aqparat alyp otyrdy.
Ystambulda atysty toqtatý týraly málimetter talqylanady
Atysty túpkilikti toqtatýdy qamtamasyz etý úshin aldaǵy kúnderi qosymsha kezdesýler ótkizý josparlanǵan. 14 saǵatqa sozylǵan kelissózdiń qorytyndysy boıynsha kelisimdi egjeı-tegjeı ázirleıtin tehnıkalyq komıtettiń birinshi otyrysy Ystambulda ótedi dep sheshildi.
Bul kezdesýde taraptar terrorızmge qarsy kúres, kóshi-qon aǵynyn basqarý jáne shekara qaýipsizdigin qamtamasyz etý sııaqty máselelerdi túpkilikti sheshý úshin uzaq merzimdi sharalardy ázirleýge nazar aýdarady.
Buǵan deıin Ystanbulda 11 qazan kúni Túrkııa, Pákistan jáne Katar barlaý qyzmetteri basshylarynyń úshjaqty kezdesýi ótti. Onda Aýǵanstan bılik ókilderimen baılanys ornatyldy.
Aıta keteıik, osyǵan deıin Aýǵanstan men Pákistan atysty tez arada toqtatý týraly kelisimge kelgeni týraly jazdyq.