Túrkııanyń Balykesır provıntsııasynda taǵy da jer silkindi

ASTANA. KAZINFORM — Túrkııanyń Balykesır provıntsııasynda magnıtýdasy 4,4 bolatyn jer silkinisi tirkeldi, dep habarlaıdy Anadolý agenttigi.

Túrkııanyń Tótenshe jaǵdaılar jáne apattardyń zardabyn joıý basqarmasynyń (AFAD) málimetinshe, jerasty dúmpýi 11:46-da Syndyrgy aýdanynda bolǵan.

Zilzalanyń oshaǵy 12,1 shaqyrym tereńdikte ornalasqan.

Ázirge úılerdiń qıraýy men zardap shekkender jaıly aqparat joq.

Eske sala ketsek, 11 qarasha kúni dál osy Syndyrgy aýdanynda 4,9 magnıtýdaly jer silkinisi bolǵan.

Buǵan deıin Japonııa jaǵalaýynda jer silkinip, magnıtýdasy 5,8 balǵa jetken.

Al qarashanyń basynda Aýǵanstandaǵy jer silkinisinen jeti adam qaza tapqanyn jazdyq.