Túrkııanyń Balykesır provıntsııasynda 6,1 baldyq jer silkinisi tirkeldi

ASTANA. KAZINFORM — Mármár jáne Egeı aımaǵynyń eldi mekenderinde 6,1 magnıtýdaly jer silkinisi boldy. Jerasty dúmpýin birinshi kezekte Ystambul men Izmır qalalary sezindi, dep habarlaıdy Anadoly.

Saǵat 22:48–de Balykesır provıntsııasynyń Syndyry aýdanynda jer silkinisi tirkeldi. Túrkııa Apattar jáne Tótenshe jaǵdaılardy basqarý basqarmasynyń (AFAD) saıtynda jarııalanǵan aqparatqa sáıkes, onyń magnıtýdasy 6,1 boldy. Jerasty dúmpýi 5,99 shaqyrym tereńdikte tirkelgen.

Al Report agenttiginiń habarlaýynsha, provıntsııadaǵy jer silkinisinen keıin úsh ǵımarat pen bir dúken qırady. Oqıǵany ishki ister mınıstri Alı Erlıkaıa jergilikti BAQ ókilderine málimdegen.

Ol Syndyry aýdanyndaǵy opyrylyp túsken ǵımarattardyń paıdalanýǵa berilmegenin atap ótti. Munda zardap shekkender týraly málimet joq. 

Buǵan deıin Qara teńizdiń Ystanbul mańyndaǵy aýmaǵynda magnıtýdasy 3,7 baldyq jer silkinisi tirkelgendigi jóninde jarııaladyq.