Túrkııanyń altyn kenishinde topyraq kóshkininen keıin 9 kenshimen baılanys úzildi
ASTANA. KAZINFORM — Túrkııanyń Erzındjan aýmaǵyndaǵy altyn kenishinde topyraq kóshkini boldy. Ázirge 9 kenshiden habar joq. Bul týraly Anadoly agenttigi habarlady.
Túrkııanyń ishki ister mınıstri Alı Erlıkaıa 9 kenshiniń zardap shekkenin, olarmen baılanys úzilgenin habarlady. Oqıǵa ornyna kóptegen izdeý-qutqarý jasaǵy (shamamen 400 adam) jiberildi.
El prezıdenti Rejep Taıyp Erdoǵan barlyq resýrstardy izdestirý-qutqarý jumystaryna jumyldyrýdy tapsyrǵan.
«13 aqpan kúni saǵat 14:00 shamasynda Erzındjan provıntsııasynyń Ilıch aýdanyndaǵy shahtada kóshkin boldy jáne kóshkin astynda jumysshylar qalyp qoıǵany habarlandy. Bizdiń basqarma qyzmetkerleri jiberildi, oqıǵany baqylap otyrmyz», — dep málimdedi Túrkııanyń Tabıǵı apattar men tótenshe jaǵdaılar basqarmasy.
Erzınjan gýbernatory Hamza Aıdogdý Evfrat ózenine tsıanıdtiń aǵýy týraly aıyptaýlardy teriske shyǵaryp, topyraq kóshkininen basqa problema joq ekenin aıtqan.
Sondaı-aq, Túrkııanyń ishki ister mınıstri Alı Erlıkaıa TRT News tikeleı efırinde munda shahtadan alynǵan topyraqtyń jınalyp qalǵanyn jáne oqıǵa topyraq jınalýynyń jyljýy saldarynan bolǵanyn aıtqan.
Toprak kayması anı güvenlik kamerasına yansıdı https://t.co/MC5gRaK7Ug pic.twitter.com/e23wNa3jTo
— Anadolu Ajansı (@anadoluajansi) February 13, 2024
