Túrkııanyń 16 provıntsııasynda DAISh-ke qarsy operatsııa ótip, 51 kúdikti ustaldy
ASTANA. KAZINFORM – Túrkııanyń 16 provıntsııasynda DAISh terrorıstik uıymyna (IM, DAISh – Qazaqstanda tyıym salynǵan uıym – red.) qarsy operatsııa júrgizilip, 51 kúdikti ustaldyǵ dep habarlaıdy Euronews.
Operatsııa Túrkııa Jandarmerııasy Bas qolbasshylyǵynyń Terrorızmmen kúres departamenti men respýblıkalyq prokýratýralardyń úılestirýimen Adana, Adyıaman, Balykesır, Býrsa, Dııarbakyr, Dıýzdje, Edırne, Gazıantep, Ygdyr, Kaıserı, Mardın, Mersın, Nevshehır, Sınop, Shanlyýrfa jáne Zongýldak provıntsııalarynda ótti.
Túrkııa Іshki ister mınıstrliginiń habarlaýynsha, ustalǵan 51 kúdiktiniń DAISh múshesi ekeni anyqtalǵan. Tergeý barysynda olardyń uıymmen baılanysy bar adamdar men qaıyrymdylyq uıymdary arqyly DAISh-ti qarjylandyrǵany belgili boldy. Sondaı-aq kúdiktilerdiń áleýmettik jelidegi paraqshalarynda uıymnyń úgit-nasıhatyn júrgizgeni anyqtalǵan.
Mınıstrlik DAISh-tiń qyzmeti men qarjylandyrylýyna jaýapty qurylymdaryna qarsy operatsııalar jalǵasatynyn málimdedi.
Ótken aptada 83 adam ustaldy
Túrkııa Іshki ister mınıstrligi 25 qyrkúıekte de DAISh-ke qarsy operatsııa júrgizilgenin habarlady.
Ankara, Ystambul, Antalıa jáne Býrsa sııaqty iri qalalardy qosa alǵanda, 28 qalada ótken operatsııa barysynda 83 kúdikti ustaldy. Sonymen qatar uıymǵa qatysty kóptegen qujat pen tsıfrlyq materıal tárkilendi.
Mınıstrliktiń málimetinshe, ustalǵandardyń DAISh músheligine, uıymdy qarjylandyrýǵa jáne áleýmettik jeliler arqyly úgit-nasıhat júrgizýge qatysy bary anyqtalǵan.
Eske sala ketsek, bıyl tamyzda Túrkııada uıymdastyrylǵan dál osyndaı operatsııa kezinde DAISh-pen baılanysy bar degen kúdikpen 104 adam ustalǵan edi.
Al 1 qazan kúni AQSh Iraktaǵy DAISh-ke qarsy mıssııasyn aıaqtady.
