Túrkııanyń 15 oblysynda aýa temperatýrasy 44 gradýsqa jetti

ANKARA. KAZINFORM – Túrkııanyń 15 oblysynda aýa temperatýrasy keshe 44 gradýsqa deıin kóterildi. Eń joǵary temperatýra Ońtústik-Shyǵys Sıırt oblysynyń Kýrtýlań aýdanynda tirkelip, 23 shildede termometr baǵany 47 gradýsqa jetti, dep jazdy AZERTADJ.

Bul týraly Túrkııanyń Bas meteorologııa basqarmasymálim etken. Basqarma sońǵy kúnderi temperatýranyń maýsymdyq normadan asyp ketkenin atap ótti.

Qatty aptap ystyq Ońtústik-Shyǵys Anatolııamen qatar, Egeı aımaǵynda da saqtalyp tur. Bul óńirdiń jergilikti bıligi egde jastaǵy azamattar men balalarǵa 11:00-den 16:00-ǵa deıin kóshege shyqpaýǵa keńes berip, turǵyndarǵa kóp sý ishý qajettigin eskertti.

Sonymen qatar, mamandar klımat ózgerisiniń saldarynan Túrkııada birneshe daqyldyń ónimdiliginiń tómendeýi múmkin ekenin boljanǵan. 

Buǵan deıin habarlanǵandaı, álem elderinde aptap ystyq kúsheıip barady.

Eske sala keteıik, Kıngs kolledji men London medıtsına mektebindegi brıtandyq ǵalymdardyń blıts-saraptama ótkizip, Eýropada ótken aptada basyla bastaǵan tótenshe ystyq tolqyn shamamen 2300 adamnyń mezgilsiz ólimine sebep bolǵanyn alǵa tartqan edi.