Túrkııany qar basyp qaldy
ASTANA. KAZINFORM – Túrkııanyń Rıze, Artvın, Gıresýn, Ordý jáne Trabzon provıntsııalarynyń Qara teńizdegi taýly aımaqtarynda qalyń qar jaýǵan. Qardy tazalaý jumystary táýlik boıy jalǵasyp jatyr, dep habarlady Kazinform agenttiginiń menshikti tilshisi.
Qys maýsymy bastalǵaly bul aımaqtarda qalyń qar jaýyp, jergilikti turǵyndardyń qozǵalysy men qalypty ómirin aıtarlyqtaı qıyndatty.
Joldardy tazalaý jáne kólik qatynasyn qalpyna keltirý úshin mamandandyrylǵan mashınalar men jabdyqtar belsendi paıdalanylyp jatyr. Jol qyzmeti brıgadalary eldi mekenderdi baılanystyratyn negizgi magıstraldarda júrýdi qamtamasyz etý úshin táýlik boıy jumys istep jatyr. Birinshi kezekte aýrýhanalar, mektepter men ınfraqurylymnyń mańyzdy nysandaryna aparatyn joldar tazalanyp jatyr.
Jergilikti bılik kún raıynyń qolaısyzdyǵyna qaramastan jaǵdaı baqylaýda ekenin sendirip otyr. Olaı bolǵanymen, qalyń qar áli de jaýýy múmkin bolǵandyqtan turǵyndarǵa asa úlken qajettilik bolmasa taýly aımaqtarǵa barmaýǵa keńes etildi.
Qar basý saldarymen kúres sharalary aıasynda quzyrly organdar bolýy múmkin apattardyń aldyn alý jáne joldardaǵy qaýipsizdikti qamtamasyz etý maqsatynda profılaktıkalyq jumystar júrgizilip jatyr.
