«Túrkııamen yntymaqtastyqty nyǵaıtý»: senatorlar Palata otyrysynyń kún tártibin bekitti

ASTANA. KAZINFORM – Senat spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. 

Onda depýtattar 20 aqpanda bolatyn Senat otyrysynyń kún tártibin bekitti.

Aldaǵy beısenbide ótetin Senat otyrysynda Palata depýtattary «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy ósimdikter karantıni jáne olardy qorǵaý salasyndaǵy yntymaqtastyq týraly kelisimdi ratıfıkatsııalaý týraly» zańdy qaraıdy.

Zańnyń maqsaty – fıtosanıtarııalyq qaýipsizdikti qamtamasyz etý jáne eki memlekettiń aýmaǵynda karantındik zııandy organızmderdiń ákelinýi men taralýyn bolǵyzbaý úshin ósimdikter karantıni jáne olardy qorǵaý salasyndaǵy ekijaqty yntymaqtastyqty damytý.

Kelisimniń kúshi fıtosanıtarııalyq sharalar turǵysynan, ásirese halyqaralyq tasymaldaý jaǵdaılarynda zıankester úshin jasyryný orny bola alatyn nemese olardyń taralýyn jeńildetetin kez kelgen ósimdikti, ósimdik ónimin, jınaý ornyn, qaptamany, tasymaldaýdy, konteınerdi, topyraqty jáne kez kelgen basqa organızmdi, obektini nemese materıaldy qosa alǵanda, karantınge jatqyzylǵan barlyq materıaldarǵa qoldanylady.

Sonymen qatar Bıýro otyrysynda depýtattar Senattyń is-sharalar josparyn iske asyrý aıasyndaǵy mindetterdi talqylady jáne buǵan deıin Parlament Májilisi qabyldaǵan zańdardy jumys úshin Palata komıtetterine bólip berdi.