Túrkııamen aradaǵy kelisimderdi júzege asyrý jeke baqylaýymda bolady – Prezıdent
ANKARA. QazAqparat – Memleket basshysy Qasym-Jomart Toqaev bıznes ókilderimen kezdesý barysynda bul sharanyń Qazaqstan men Túrkııa saýda-ekonomıkalyq yntymaqtastyǵyn nyǵaıta túsýge septigin tıgizerine senimdilik bildirdi, dep habarlaıdy QazAqparat Aqordanyń baspasóz qyzmetine silteme jasap.
«Búgin bizdiń elderimizdiń kompanııalary arasynda 30 kommertsııalyq qujatqa qol qoıyldy. Onyń bári eki eldiń alys-berisin jandandyrýǵa tyń serpin beredi dep senemin. Barshańyzdy bizben birlesip, ózara tıimdi jumys isteý úshin Qazaqstanǵa shaqyramyn. Eń basty másele – qol jetkizetin kelisimderdi júzege asyrý. Bul óte mańyzdy. Sondyqtan, meniń jeke baqylaýymda bolady!» - dedi Prezıdent.
Memleket basshysy keleshekte qazaq-túrik dostyǵy nyǵaıa beretinine kámil senetinin aıtqan bolatyn.
