Túrkııalyqtar qazaqstandyq jas rejısserdiń fılmin tamashalady
Týyndy osydan eki jyl buryn bolǵan Reseı men Túrkııa arasyndaǵy «ushaq daǵdarysyndaǵy» oqıǵany sýretteıdi, dep jazady Habar 24 .
«Bir ǵana kıkiljiń qos eldiń kóp jyldyq dıplomatııalyq, saıası jáne ekonomıkalyq salalaryn áp-sátte toqyratty. Al aqparat quraldary jańsaq habar taratyp, jaǵdaıdy tipti ýshyqtyra tústi. Soǵan qaramastan bul keleńsizdik halyqtardyń bir-birine degen syı-qurmetine syzat túsire almady. «ıAǵnı kórermen qaýymǵa osy oqıǵanyń mysalynda saıasat pen áleýmettiń arajigin ashyp kórsetýge tyrystym», - deıdi rejısser. Fılm Ystanbul qalasynda túsirildi. Alaıda qarjynyń tapshylyǵyna oraı týyndyǵa kásibı akterler emes, qarapaıym azamattar tartylypty. Al shyǵarmashylyq top ýkraınalyq, meksıkalyq, mysyrlyq, lıvandyq jáne túrkııalyq mamandardan quralǵan. Kóbi bul kartınaǵa erikti túrde qatysyp, eńbektiń jaryq kórýine bir kisideı atsalysqan.
«Sol ýaqyttaǵy oqıǵany aqparat quraldary ár qyrynan taratty. Alaıda teledıdardaǵy úgit-nasıhat pen shynaıy ómirdegi jaǵdaı arasynda kókpen jerdeı aıyrma boldy. Fılmde osy aıyrmanyń arajigin kórsetýge tyrystym», - deıdi rejısser Alına Mustafına.
Kórermen Dýıgý Yshyktyń aıtýynsha, arqaý etip alǵan taqyryby da, oqıǵa jelisi de óte ózekti. «Týyndyny tamashalaı otyryp, túrikter túsirgen eken ǵoı degen oıda qaldym. Alaıda onym beker eken. Óıtkeni túsirilim toby kileń sheteldikterden quralǵan. Demek olar fılmge kirispes buryn Ystambuldyń kórikti oryndary men jergilikti halyqtyń turmys-tirshiligin jaqsy zerttegen», - deıdi ol.