Túrkııalyq ónerpazdar Qazaq radıosynda jandy daýysta án shyrqady
ASTANA. QazAqparat - Astanadaǵy Qazmedıa ortalyǵynda ótip jatqan «Azııa medıa dıalogy» halyqaralyq forýmyna qatysýshy Stambýl radıosy ult aspaptar orkestriniń ónerpazdary Qazaq radıosynyń «Án salLike» baǵdarlamasyna kelip, jandy daýysta qazaq ánin shyrqady.
Qonaqtar Ýt, Kanon, Neı syndy ulttyq aspaptarynda klassıkalyq, dástúrli, tango jáne qazaq tilinde «Juldyzym» ánin oryndady.
Aıtýlarynsha, Youtube jelisinen qazaq ánderin izdegende bul án jandaryna jaqyn jáne túrik ult aspaptarymen súıemeldeýge yńǵaıly bolǵan.
«Túrkııa úni» radıosynyń jumys tártibi Qazaq radıosymen óte uqsas. Máselen, olar da biz sııaqty án sózine mán beredi. Týyndy efırge deıin mindetti túrde kórkemdik keńes tezinen ótedi. Jeńil ánderge efırden oryn joq.
Rýhanı, mádenı, tildik jáne tarıhı tamyrlastyqtyń aqparattyq keńistikte jalǵasyn tabýyna «Qazaq radıolary» JShS men «Túrkııa úni» radıosy arasyndaǵy yntymaqtastyqtyń nátıjesinde qol jetkizildi.
