Túrkııalyq ıslamtanýshy ǵalymdar medrese shákirtterine dáris oqydy

Astana medresesiniń baspasóz qyzmetiniń málimetinshe, Ystambul qalasynyń din salasynda arnaıy mamandar daıyndaıtyn irgeli oqý oryndarynyń biri «Marmara» ýnıversıtetiniń ustazdary: tápsir ǵylymdarynyń doktory, professor Ómer Chelık pen hadıs salasynyń bilgiri, ǵylym doktory Hıkmet Atan myrzalar medrese shákirtterimen kezdesip, ıslamtaný baǵyty boıynsha arnaıy dáris oqyp, qoıylǵan ózekti suraqtarǵa jaýap berdi.

 Óz sózinde H.Atan myrza: «Biz áýeli aqıdada, Imam Matýrýdı, fıqhta Ábý Hanıfa, al, kórkem-minez qulyqta, amalda Orta Azııadan shyqqan ǵulama babamyz, túrkistandyq Hazret Ahmet ıAssaýıdyń jolyn ustanýymyz kerek. Osy úsh negizdi ózimizge baǵyt-baǵdar eter bolsaq bizdi eshkim eshqaıda da adastyra almaıdy», dep nyq senimmen aıtty. Al, Quran ǵylymynyń bilgiri, osy kúnderi bes tomdyq tápsir kitabyn baspadan shyǵarǵaly otyrǵan professor Ó.Chelık myrza bolsa, shákirtterge Quran men súnnetke jáne Áhlı sýnna ýal-jamaǵa ǵalymdarynyń qaınarbulaq kitaptaryna súıene otyryp bilim alý kerektigine keńirek toqtaldy.

 Kezdesý sońynda shákirtter ózderiniń kókeıde júrgen suraqtaryna tuşymdy jaýaptaryn alyp, medresege arnaıy at basyn bura kelgen qonaqtarǵa óz rızashylyqtaryn jetkizdi.