Túrkııalyq delegatsııa qazaqstandyq kásipkerlermen kezdesýler ótkizedi
Uıymnyń Qazaqstandaǵy ókildiginiń baspasóz qyzmeti joldaǵan habarlamada MıÝSIAD-tyń Konııadaǵy fılıaly 2018 jyldyń 26-29 sáýir kúnderi aralyǵynda issaparmen Almatyǵa keletini aıtylǵan. Sapar maqsaty - Túrkııanyń Qazaqstanǵa eksportyn arttyrý.
«Túrkııanyń táýelsiz ónerkásipshiler men kásipkerler qaýymdastyǵynyń Qazaqstandaǵy Prezıdenti Iylmaz Kesen Almatyda MıÝSIAD-tyń Konııadaǵy ókilderin qýana qarsy alatynyn jetkizdi. Sondaı-aq, «Atameken» QR Ulttyq kásipkerler palatasy men jergilikti kásipkerlerdiń qatysýmen ótetin B2B formatyndaǵy kezdesýlerde Túrkııa men Qazaqstan arasyndaǵy saýda aınalymyn arttyrýǵa baǵyttalǵan taqyryptar talqylanatynyn aıtty» dep jazylǵan habarlamada.
Málimetke saı, Túrkııadan keletin saýda delegatsııalarynyń bıznes-baǵyttary qurylys, mashına jasaý, metallýrgııa, avtomobıl, qosalqy bólshekter, zergerlik buıymdar jasaý, elektronıka, esepteý tehnıkasy, jıhaz, turmystyq tehnıka jáne aýany baptaý salalaryn qamtıdy.
