Túrkııalyq BAQ-qa RF Elshisi óliminiń tergeýi týraly jazýǵa tyıym salyndy
ASTANA. QazAqparat - Túrkııa soty buqaralyq aqparat quraldaryna Ankaradaǵy reseılik elshi Andreı Karlov óliminiń tergeý barysyna qatysty aqparattardy jarııalaýǵa ýaqytsha tyıym saldy. Bul týraly newsru.com CNN Turk telearnasyna silteme jasap habarlaıdy.
Mundaı sheshim prokýratýra ótinimimen qabyldanǵan. Mekeme iske qatysty málimetterdiń jarııalanýy tergeý júrgizýge kedergi keltiredi dep esepteıdi.
Endi túrkııalyq BAQ-qa tergeý barysy, kúdiktiler jáne ózge de iske qatysýshylar týraly aqparat berýge jáne qylmys ornynda túsirilgen fotolardy jarııalaýǵa tyıym salynady.
Túrkııadaǵy Reseı Elshisi Andreı Karlovqa 19 jeltoqsan kúni Ankarada shabýyl jasaldy. Qastandyq Elshi foto kórmeniń ashylýyna qatysqan kezde uıymdastyryldy. Jergilikti qaýipsizdik kúshteri elshige oq atqan 22 jastaǵy polıtsııa qyzmetkeri Mevlıýt Altyntashtyń kózin joıdy.
Túrik bıligi Altynshashtyń AQSh-ta bas saýǵalap júrgen oppozıtsııalyq din ýaǵyzshysy Fethýllah Gúlenniń FETO lańkestik uıymyna qatysy baryn dáleldeıtin aıǵaqtar bar ekenin aıtýda.
Gúlenniń ózi bul aıyptaýlardy moıyndaǵan joq, biraq túrik tergeýshileri M.Altynshashtyń polıtsııa mektebine túsýge FETO músheleriniń kómekteskenin, Altynshashtyń ózi de FETO quramynda bolǵanyn aıtýda.
Túrkııa SІM basshysy Sýleıman Soılynyń pikirinshe, 2015 jyldyń maýsymyndaǵy parlamenttik saılaýdan keıingi elde bolǵan teraktiler jáne Karlovqa shabýyl bir jospardyń bóligi ǵana bolyp tabylady.
