Túrkııalyq azamat shylymnan qutylý úshin ózin-ózi temir torǵa qamady
ASTANA. 8 shilde. QazAqparat - Túrik azamaty Ibrahım ıÝdjel jasynan shylym shekken, endi osy jaman ádetinen arylý úshin ol tıimdi tásil oılap taýypty. Budan bylaı aýzyna shylymdy tatyp almas úshin basyna metall tor kıip júrýge bel baılaǵan.
Baıǵus Ibrahım óziniń kúshine sene almaı, shylymnan qutylýǵa kómektesýi úshin tordyń kiltin áıeli men balalaryna ustatypty. Qyzyǵy, ol tamaqtanǵanda, bolmasa uıyqtaǵanda temir tordy alyp tastaıdy. Alaıda kúnde tańerteń jumysqa bararda qyzy álgi «qustyń» uıasyndaı tordy basyna kıgizedi.
42 jastaǵy azamattyń aıtýynsha, ol 26 jyl boıy shylym shekkendigine qaramaı, endi óziniń densaýlyǵyna qaraýdy jolǵa qoıǵan. Shylymdy kóp qoldanǵandyqtan, onyń ákesi qaterli isik aýrýyna shaldyǵyp, kóz jumǵan eken.
