Túrkııalyqtar úılený toıynyń shyǵynyn únemdeýge kóshti

ASTANA. KAZINFORM – Sońǵy ýaqytta Túrkııada úılený toılarynyń shyǵyny aıtarlyqtaı ósip ketken edi, sońǵy kezderi jastar bul merekeni ótkizýdiń bıýdjettik jáne yqsham nusqalaryna qyzyǵýshylyq tanytýda, dep habarlaıdy Kazinform menshikti tilshisi.

Elde tanymal bola bastaǵan osyndaı nusqalardyń biri – eki saǵatqa sozylatyn «únemdi úılený toıy». 

Túrkııada úılený toıyn uıymdastyrýshylar adamdarǵa bul formatty kúni boıy sozylatyn jáne úlken qarjyny qajet etetin dástúrli saltanatty merekelerge balama retinde usynyp otyr. 

Úılený toıy shyǵynyn únemdep ótkizý - bul qysqa da stıldi shara, onda erli-zaıyptylar sımvoldyq rásimdi, shaǵyn banket ótkizip, ómiriniń mańyzdy sátin jaqyn dostary men týystarynyń ortasynda merekelep, sonymen birge shyǵyndardy aıtarlyqtaı azaıtady.

Úılený toıynyń mundaı formatyna dástúrli saltanattyń saqına almasý, alǵashqy bı jáne fotosessııa sııaqty negizgi elementteri kiredi. Alaıda úlken banket zaldary men sándi áshekeılerdiń ornyna úılený toıynda jaıly da keremet oryndarǵa nazar aýdarylady, bul sharany qoljetimdi etedi. 

Jańa trend ómirindegi mańyzdy kúndi qaryzǵa batpaı nemese tym kóp shyǵynsyz ótkizgisi keletin jas jubaılardy qyzyqtyryp otyr. «Únemdep úılený toıyn jasaý» - jastar men olardyń qonaqtaryna jeke-jeke áńgimelesýge, jaqynyraq tanysýǵa múmkindik beredi.

Buǵan deıin Túrkııada jasy 50-den asqan adamdar arasynda ajyrasý jaǵdaılary kóbeıgenin jazǵan bolatynbyz.