Túrkııalyq sheneýnik: Qazaqstan – bizdiń atajurtymyz

TARAZ. KAZINFORM – Taraz qalasynda bıyl alǵash ret «KazAgroZhambyl-2024» halyqaralyq aýyl sharýashylyǵy forým-kórmesi ótip jatyr.

Kórmeniń ashylý saltanatynda sóz alǵan Túrkııa Respýblıkasy aýyl sharýashylyǵy jáne orman sharýashylyǵy vıtse-mınıstri Gızlıgıder Ebýbekır Qazaqstandy «Atajurtymyz» dep atap, sózin tarazdyqtarǵa túrik týystardyń ystyq sálemin jetkizýmen bastady. 

«Túbi bir túrki halqy úshin tarıhı otanymyz — Qazaqstanǵa, tarıhtyń temirqazyǵy — Tarazǵa biz aýyl sharýashylyǵymen aınalysatyn 100 adamnan astam delegatsııamen keldik. Ósimdik, tuqym, tyńaıtqyshtyń túr-túrin sizderge óz elimizden kez kelgen kólemde jetkizýge múmkindigimiz bar.

Árıne, kez kelgen iste kedergiler bolatyny zańdy. Birlese eńbektený arqyly barlyq máselelerdi sheship, tabysty jumys isteımiz dep oılaımyn. Tek aýyl sharýashylyǵy salasynda emes, bilimde, saıasatta, mádenıette de birlesken jumystarymyzdyń jalǵasaryna senimdimin.
Sózimniń sońyn Qoja Ahmet ıAssaýıdiń shákirti bolǵan Qajybek Tishbelıdiń «Bir bolamyz, tirligimiz myqty bolsyn» degen ósıetimen túıindeımin», — dedi Gızlıgıder Ebýbekır.