Túrkııalyq basylym Bahtıer Zaınýtdınovtiń tarıhı jetistigi týraly jazdy

Túriktiń Cine1haber.com saıty qazaqstandyq jartylaı qorǵaýshy Bahtıer Zaınýtdınovtiń rekordyna nazar aýdardy. Kazinform bul týraly Sports.kz saıtyna silteme jasap habarlaıdy. 

«Beshıktashtyń» qazaqstandyq juldyzy Bahtıer Zaınýtdınov soǵylǵan goldar sany boıynsha óz eliniń tarıhyna engen. 25 jasynda 14 gol salǵan Zaınýtdınov Qazaqstan tarıhyndaǵy úzdik bombardır atandy. Qazaqstanda 25 jastaǵy bul baladan kóp gol soqqan adam joq», - dep jazdy saıt.

Buǵan deıin gol sany boıynsha Rýslan Baltıev rekord ıesi bolǵanyn (13 gol) eske sala keteıik. Biraq Zaınýtdınov fýtboldan 2024 jylǵy Eýropa chempıonatynyń irikteý týrnırinde Fınlıandııamen bolǵan matchta dýbl avtory atanyp (2:1), ony basyp ozdy.