Túrkııalyq áýe kompanııa Qazaqstanǵa tikeleı reıster ashady
ASTANA. KAZINFORM — 31 shildeden bastap Qazaqstannyń áýe tasymaly naryǵyna Túrkııanyń SunExpress áýe kompanııasy kiredi. Bul týraly Qazaqstan Respýblıkasy Kólik mınıstrligi habarlady.
Mınıstrliktiń málimetinshe, áýe kompanııasy Almaty — Izmır baǵyty boıynsha tikeleı turaqty jolaýshylar reısterin oryndaı bastaıdy.
Ushaqtar aptasyna eki ret — seısenbi jáne juma kúnderi Boeing 737 áýe kemelerimen qatynaıdy.
Vedomstvonyń habarlaýynsha, jańa baǵyt Qazaqstan men Túrkııa arasyndaǵy áýe qatynasyn keńeıtip, eki eldiń saýda-ekonomıkalyq, ınvestıtsııalyq, týrıstik, iskerlik jáne mádenı baılanystaryn odan ári nyǵaıtýǵa múmkindik beredi.
Eske salaıyq, buǵan deıin Qazaqstannan Qytaı men Ózbekstanǵa jańa reıster ashylatynyn habarlaǵanbyz.
Sonymen qatar Arqalyq áýejaıy alǵashqy reısti qabyldaýǵa daıyndalyp jatqanyn jazǵanbyz.
