Túrkııalyq alpınıst álemdik rekord ornatty

ASTANA. KAZINFORM — Túrkııalyq alpınıst Levent Koch sońǵy úsh jylda álemdegi eń kóp shyńdy baǵyndyrǵan sportshy atandy, dep habarlaıdy AZERTADJ.

46 jastaǵy sportshy 2023 jyly 81, 2024 jyly 101, al byltyr 70 shyńdy baǵyndyryp, úsh jyl qatarynan álemdik reıtıngtegi kóshbasshylyǵyn saqtap qaldy.

Ol Ázerbaıjan shyńdaryna jasaǵan joryqtarymen de este qaldy. Osy ýaqyt ishinde Koch Ázerbaıjan elinde ornalasqan Shahdag taýyn baǵyndyrdy. Alpınıst Nahchyvan avtonomııalyq respýblıkasyndaǵy Hachadag taýyna da shyqqan. Grýzııadaǵy Qazbek taýy men Irandaǵy Demavend taýy sııaqty bıik taýlarǵa da ekspedıtsııalar uıymdastyrǵanyn atap ótti.

— Ázirbaıjan taýlarynyń men úshin mańyzy zor. Shahdag pen Hachadag shyńdaryna shyǵý erekshe tájirıbe boldy, — dedi Koch.

Aıta keteıik, Levent Koch Túrkııanyń eń bıik shyńdary: Agra, Sıýphan jáne Djılo taýyn da baǵyndyrdy. Bir jylda Aladaglarada 80-90 shyńdy baǵyndyrdy. 2024 jyly ol 101-men jeke rekord ornatty.

Eske salaıyq, atyraýlyq alpınıst 20 kúnde eki alyp shyńdy eńserdi. Ol eń aldymen Reseı aýmaǵyndaǵy bıiktigi 5621 metr bolatyn Elbrýstyń Shyǵys shyńyna shyqsa, keıin Irandaǵy Azııanyń eń bıik janartaýy sanalatyn, teńiz deńgeıinen 5610 metr bıiktiktegi Demavend shyńyn baǵyndyrǵan.