Túrkııaǵa jınalǵan qazaqstandyqtarǵa reıstiń keshiktiriletindigi habarlandy
ATYRAÝ. QazAqparat - Atyraýdan Túrkııaǵa ushyp shyǵýdy josparlaǵan týrıster reıstiń keshigetindigi týraly eskertildi, dep habarlaıdy «QazAqparat» HAA tilshisi.
«Búgin Atyraýdan Antalııaǵa 8 tamyz kúni saǵat 16.30-da ushyp shyǵýy tıis bolǵan VSV484 reısi 9 tamyzǵa qaldyrylǵandyǵy týraly habarlama keldi. Boljam boıynsha ol saǵat 7.20-da ushatyn bolady. Sondaı-aq 8 tamyz kúni Túrkııadan ushyp kelýi tıis bolǵan reıs te keshiktirilip jatyr», - dep málim etti «QazAqparat» HAA tilshisine DISCOVERY týragenttiginiń basshysy Evgenııa Nefedova.
Eske salaıyq, Sunday Airlines kompanııasynyń charterlik reısterindegi irkilister birneshe kún boıy jalǵasýda. Atalmysh kompanııanyń ushaqtary qatynaıtyn barlyq derlik týrıstik baǵytta túıitkilder týyndaýda. Resmı emes aqparatqa sáıkes, máseleniń basy avıakompanııanyń ushaqtarynyń biri isten shyǵýynan týyndaǵan.
