Túrkııaǵa kómekke barǵan qutqarýshylar marapattaldy

ASTANA. QazAqparat – Túrkııada bolǵan jer silkinisiniń saldaryn joıýǵa barǵan el qutqarýshylary memlekettik jáne vedomstvolyq nagradalarmen marapattaldy, dep habarlaıdy QazAqparat tilshisi.

Nagradalardy QR Tótenshe jaǵdaılar mınıstri ıÝrıı Ilın tabystap, qutqarýshylarǵa alǵys bildirdi.

«Ofıtserler quramy ІІ dárejeli «Aıbyn» jáne «Qurmet» ordenderimen marapattaldy. Qalǵandary «Eren eńbegi úshin» úkimettik medaldary men vedomstvolyq nagradalar aldy. Sonymen qatar, Túrkııanyń qutqarý operatsııasyna qatysqandardyń barlyǵyna alǵys hattar tabystaldy» - dep málim etti ıÝrıı Ilın marapttaý rásiminen keıin BAQ ókilderiniń saýalyna.

Eske salaıyq, Qazaqstan qutqarýshylary 7-19 aqpan aralyǵynda Túrkııanyń úsh provıntsııasynyń aýmaǵynda izdestirý-qutqarý jumystaryn júrgizdi. Atap aıtsaq, Nýrdagy aýdanynda, Gazıantep jáne Hataı qalalarynda azamattardy úıindilerden shyǵarýǵa atsalysty. Sonymen birge Qahramanmarash provıntsııasyna úzdiksiz gýmanıtarlyq kómek jetkizip otyrdy.