Túrkııaǵa barǵan qazaqstandyq qutqarýshylar aqshalaı syıaqy almaıdy

ASTANA. QazAqparat – Tótenshe jaǵdaılar mınıstri ıÝrıı Ilın Túrkııadaǵy qutqarý operatsııasyna qatysqan qutqarýshylarǵa aqshalaı syıaqy berý bastamasyna qatysty túsinikteme berdi, dep habarlaıdy QazAqparat tilshisi.

«Qutqarýshylar aqshalaı syıaqy almaıdy. Men buǵan deıin qutqarýshylardyń zańnamada belgilengen tártippen sheteldik issaparlar aıasynda alatyn qarajaty týraly aıtqan bolatynmyn», - dep jaýap berdi ıÝrıı Ilın BAQ ókilderiniń saýalyna oraı.

Bul rette mınıstr vedomstvo qyzmetkerleriniń jalaqysy ósetinin atap ótti.

«Úkimettiń qaýlysyna sáıkes, qazir bizde jalaqy ósip jatyr. Basshylyq quramnyń eńbekaqysy tómengi mólshermen ósetin bolsa, jalpy quram qyzmetkerleriniń jalaqysy birden 70%-ǵa deıin ulǵaıady. Qyzmetker alǵashqy kezeńde shamamen 110 myń teńge alady. Endi olar 179-180 myń teńge kóleminde alady dep úmittenemiz», - dedi mınıstr.

Eske salaıyq, buǵan deıin Tótenshe jaǵdaılar vıtse-mınıstri Ibragım Kúlshimbaev Túrkııaǵa barǵan qutqarýshylardyń bárine mınıstrlik bıýdjetinen aqshalaı syıaqy tólenetinin aıtyp edi.