Túrkııaǵa baratyn qazaqstandyq týrısterdiń sany eki esege azaıdy - Á. Núrkebaeva
ALMATY. QazAqparat - Túrkııaǵa baratyn qazaqstandyq týrısterdiń sany eki esege azaıdy. Bul týraly búgin Qazaqstannyń Týrıstik agenttikter qaýymdastyǵynyń prezıdenti Ásel Núrkebaeva málimdedi.
Onyń aıtýynsha, qazirgi tańda Qazaqstannan Túrkııaǵa, Túrkııadan Qazaqstanǵa baǵyttalǵan ushý reısterine eshqandaı tyıym salynǵan joq. Osyǵan baılanysty, týroperatorlar ushýdan bas tartqan týrısterdiń bıletke tólep qoıǵan aqshalaryn qaıtaryp bermeýge quqyly. Onyń ústine qonaq úılerge qatysty eshqandaı másele týyndap jatqan joq. Qazaqstannyń Azamattyq avıatsııa komıtetinde tıisti sharalar qabyldanýda. Aldymen qandaı da bir eldegi qaýiptilik jaǵdaı tolyǵymen eskerilip, osy negizde ushý-ushpaý jóninde tıisti sheshim shyǵarylady», - dedi A. Núrkebaeva.
Sonymen qatar, ol qazirgi tańda Túrkııada qansha qazaqstandyq azamattyń demalyp jatqandyǵyn jetkizdi.
«Bizdiń derekter boıynsha demalys maýsymynda árbir 10 kúndik aralyqta Túrkııada 7,5 myń qazaqstandyq týrıst demalady. Bul turaqty san», - dedi ol.
Alaıda, onyń aıtýynsha, ótken jylǵy osy kezeńmen salystyrǵanda bıyl Túrkııaǵa baratyn qazaqstandyq týrısterdiń sany eki esege azaıǵan.
