Túrkııaǵa attanǵan qazaqstandyq qutqarýshylar 14 kúnge deıin avtonomdy jumys isteı alady

ASTANA. QazAqparat – QR Tótenshe jaǵdaılar jónindegi birinshi vıtse-mınıstri Ibragım Qulshymbaev Túrkııaǵa kómekke attanǵan qazaqstandyq qutqarýshylardyń qalaı jumys isteıtinin túsindirdi, dep habarlaıdy QazAqparat tilshisi.

«Memleket basshysynyń tapsyrmasy men TJ mınıstriniń buıryǵyna sáıkes, arnaıy top Túrkııa Respýblıkasyna qutqarý operatsııalaryn uıymdastyrý úshin bara jatyr. Bul topta 41 qutqarýshy bar, onyń ishinde úzdik qutqarýshylar, dárigerler, arnaıy qyzmettik ıtter bar. Qutqarý-izdestirý jumystaryna arnalǵan jabyqtarymyz jetkilikti», - dedi Ibragım Qulshymbaev Almatv áýejaıynda bergen suhbatynda.

Sonymen birge arnaıy ushaqqa qutqarý jumystaryna arnalǵan Kamaz, Ýaz jáne Gazel markaly úsh avtomobıl tıelgen. Ushý ýaqyty shamamen 5 saǵat 40 mınýt.

Túrkııadaǵy Qazaqstan Respýblıkasy Elshiliginiń habarynsha, qutqarýshylar ushaǵy Gazıantep qalasyna qonady.

«Túrkııada 14 kúnge deıin avtonomdy jumys isteýge daıynbyz. Ol úshin quraldarymyz, tamaqtarymyz, dárilerimizdi, bárin apara jatyrmyz. Bizdi Túrkııadaǵy Qazaqstan Respýblıkasynyń elshiligi kútip alady, olar qaı qalada, qaı kezde jumysty bastaý keregin aıtady. Bizdiń qutqarýshylarymyz osy qoıylǵan buıryqty atqarýǵa daıyn», - dedi I. Qulshymbaev.

Túrkııadaǵy Qazaqstan Respýblıkasy Elshiliginiń habarynsha, qutqarýshylar Ankara arqyly Gazıantep qalasyna barady.

Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanǵa kóńil aıtty jáne Úkimetke Túrkııaǵa shuǵyl kómek kórsetýdi tapsyrdy.

SІM málimeti boıynsha, qazirgi sátke deıin onda Qazaqstan azamattary zardap shekti degen aqparat kelip túsken joq. Sońǵy málimet boıynsha Túrkııada zilzala qurbandarynyń sany 3 myńǵa jetti.

Foto: Qazaqstan TJM baspasóz qyzmeti