Túrkııaǵa 36 memleket 4 myńnan astam qutqarýshy jiberdi

ASTANA. QazAqparat – Túrkııa Respýblıkasynyń Qazaqstandaǵy Tótenshe jáne ókiletti elshisi Ýfýk Ekıdjıniń málimeti boıynsha, Túrkııanyń jer silkinisi bolǵan ólkelerine 36 memleket 4 myńnan astam qutqarýshy jiberdi, dep habarlaıdy QazAqparat tilshisi.

«Qazirgi tańda jer silkinisiniń zardaptaryn joıý jáne izdestirý jumystaryna 100 myńǵa jýyq adam jumyldyrylǵan. Onyń ishinde tótenshe jaǵdaı ókilderiniń, polıtsııa men qorǵanys salasynyń, úkimettik uıymdardyń ókilderi, sondaı-aq, eriktiler bar.

Onymen birge shetelderden kómek kelip jatyr. Álemniń 34 eli 4 myńnan astam qutqarýshyny izdestirý-qutqarý jumystaryna kómektesý úshin jiberdi», - dedi Ýfýk Ekıdjı Astanadaǵy elshilikte ótken brıfıngide.

Búgin Prezıdent Qasym-Jomart Toqaev Túrkııa Respýblıkasynyń Qazaqstandaǵy elshiligine kelip, baýyrlas eldiń ońtústik-shyǵysynda bolǵan alapat zilzala saldarynan myńdaǵan adamnyń qaza tabýyna baılanystykóńil aıtty.

Anadolý agenttiginiń málimetinshe, Túrkııadaǵy eki joıqyn jer silkinisinen qaza tapqandar sany 6234-ke jetip, 37 011 adam jaraqat alǵan.

Sońǵy málimetter boıynsha, Túrkııada úsh qazaqstandyq izdestirilip jatyr.

Foto: aa.com.tr