Túrkııadan Sırııaǵa 10 aı ishinde jarty mıllıonnan astam bosqyn qaıtyp oraldy

ASTANA. KAZINFORM — 2024 jylǵy 8 jeltoqsannan bastap, Túrkııadan óz erkimen ketken sırııalyq bosqyndar sany 509 387 adamdy qurady, dep habarlaıdy AZERTADJ.

Bul týraly Túrkııanyń ishki ister mınıstri Álı Erlıkaıa málimdedi.

Mınıstrdiń aıtýynsha, 2016 jyldan beri Túrkııadan Sırııaǵa jalpy sany 1 249 390 bosqyn qaıtyp oralǵan.

— Sırııalyqtardy elge qaıtarý protsesi Túrkııanyń kóshi-qon basqarmasy arqyly úılestiriledi. Biz úshin eń mańyzdysy — adamdardyń óz otanyna erikti túrde jáne qaýipsiz jaǵdaıda oralýy, — dedi Erlıkaıa.

Mınıstr Túrkııa bıliginiń bosqyndarǵa qatysty ustanymyn «mıgratsııalyq protsesterdi basqarý modeli» dep atady.

Osydan buryn habarlanǵandaı, Túrkııanyń batysyndaǵy Kýtahıa provıntsııasynda 5,4 baldyq jer silkinisi boldy.