Túrkııadan Ózbekstanǵa kelgen azamattan 24,6 myń dollarlyq 2 kitap tárkilendi

TAShKENT. KAZINFORM — Túrkııadan Tashkentke kelgen azamattyń qolynan quny 320 mıllıon sým turatyn arab tilindegi eski kitaptar tabyldy. 

«Tashkent-Aero» kompanııasynyń habarlaýynsha, Ystambuldan Tashkent halyqaralyq áýejaıyna kelgen azamattyń júkteriniń arasynda arabsha jazýy bar 1 úlken, muqabasy qońyr tústi bylǵarydan tigilgen kitap jáne keden baqylaýyna ýaqtyly tapsyrylmaǵan qyzyl tústi bir kishkentaı kitap bar ekeni anyqtaldy. 

Aldyn ala saraptamanyń qorytyndysyna sáıkes, kitaptardyń quny búgingi tańda 320 mıllıon sýmǵa (shamamen 24 641 AQSh dollary) baǵalanyp otyr.

Bul is boıynsha tergeý júrip jatyr.

Eske sala keteıik, Ystambulda ózbekstandyq áıel kúıeýin pyshaqtap óltirgeni jaıly jazǵan edik.