Túrkııadan aýyr háldegi eki qazaqstandyq medıtsınalyq avıatsııamen elge jetkizildi
ASTANA. KAZINFORM — 24 naýryzda jaǵdaıy aýyr eki Qazaqstan azamaty Túrkııadan Qazaqstanǵa bir reıspen sátti jetkizildi, dep habarlaıdy DSM baspasóz qyzmeti.
Tasymaldaý Ulttyq shuǵyl medıtsınany úılestirý ortalyǵynyń medıtsınalyq avıatsııasynyń kúshimen júzege asyryldy.
— Tynys alý jetkiliksizdigi jáne ótkir ókpe isigi dıagnozy bar 1966 jyly týǵan er adam Alanııa qalasynan jetkizilse, mı qaterli isigi dıagnozyna shaldyqqan 2019 jyly týǵan bala Ystanbul qalasynan elge oraldy, — delingen habarlamada.
Ulttyq shuǵyl medıtsınany úılestirý ortalyǵynyń medıtsınalyq avıatsııa mobıldik brıgadasynyń dárigerleri — Dáýren Baımyshev, Raıhan Ismaǵulova, sondaı-aq feldsherler Asylbek Toqtybaev pen Erýlan Qundaqbaev jáne áýe kemesiniń ekıpajynyń joǵary kásibıliginiń arqasynda tasymaldaý sátti ótti.
Budan buryn Pavlodarda jańa týǵan egizder sanavıatsııamen oblys ortalyǵyna jetkizilgenin jazǵanbyz.
