Túrkııadan alaıaqtyq jasaǵan kúdikti ekstradıtsııalandy
ASTANA. KAZINFORM — Qazirgi ýaqytta ol tergeý ızolıatoryna qamaldy. Bul týraly Bas prokýratýranyń baspasóz qyzmeti habarlady.
Qazaqstan Respýblıkasy Bas prokýratýrasynyń jáne Іshki ister mınıstrliginiń Interpol qyzmetkerleri, Qazaqstan Respýblıkasynyń Túrkııa Respýblıkasyndaǵy elshiliginiń qoldaýymen Antalıa qalasynan birneshe ret asa iri mólsherde alaıaqtyq jasaǵan Qazaqstan azamatyn qylmystyq jaýaptylyqqa tartý úshin ekstradıtsııalady.
Tergeý derekterine sáıkes, 2019–2020 jyldary kúdikti aldaý jolymen Shymkent qalasynyń 4 jábirlenýshi — turǵynynyń aqshalaı qarajaty men jer ýchaskelerin ıemdenip, olarǵa jıyntyǵynda shamamen 95 mln teńge kóleminde zalal keltirgen.
Jábirlenýshilerdiń aqshalaı qarajatyn ıemdengennen keıin, zańmen belgilengen jaýaptylyqtan jaltarý maqsatynda kúdikti boı tasaldy, osyǵan baılanysty halyqaralyq izdeýge jarııalandy.
Keıinnen ol Túrkııa aýmaǵynda ustalyp, Bas prokýratýranyń suraý salýy negizinde elge ekstradıtsııalandy.
Qazirgi ýaqytta ol tergeý ızolıatoryna qamaldy.
Aıyp taǵylǵan qylmystar úshin qylmystyq zańnamada múlki tárkilenip, 7 jyldan 12 jylǵa deıin bas bostandyǵynan aıyrý jazasy kózdelgen.
Aıta ketelik Qaraǵandy oblysynda páter urlyǵymen aınalysqan qylmystyq top ustalǵan edi.