Túrkııadaǵy zilzaladan qurban bolǵandardyń sany 366 adamǵa jetti
ASTANA. 25 qazan. QazAqparat - Túrkııanyń shyǵysynda jeksenbi kúni bolǵan kúshti jer silkinisi qurbandarynyń sany 366 adamǵa jetti. Bul týraly Túrkııa bıligine silteme jasap Agence France-Presse habarlady.
Apattyń saldarynan 2200-den astam ǵımarat qırap, 1300 adam jaraqat alǵan. Qazirgi tańda 51 eldiń jáne aımaqtyń basshysy Túrkııa úkimeti men basshylyǵyna kóńil aıtý jedelhatyn joldaǵan, dep habarlaıdy «Sınhýa».
Zardap shekkenderdi izdeýge jáne qutqarýǵa 450 jedel járdem mashınasy jiberildi. Túrkııanyń Qyzyl Jarty aı Qoǵamy aýdandaǵy zardap shegýshilerge 12,8 myń shatyr, 25 myń kórpe, 21 jyljymaly ashana, mol azyq-túlik jetkizdi. Zardap shegýshilerdiń basym kópshiliginiń qajetti materıaldarmen jáne azyq-túlik ónimderimen jabdyqtaý máselesi sheshildi.
