Túrkııadaǵy zilzaladan qaza tapqandar sany 50 myńnan asty

ANKARA. QazAqparat – Túrkııada 6 aqpanda bastalǵan zilzaladan qaza tapqandar sany 50 myńnan asqan. Reseılik TASS agenttiginiń habarlaýynsha, Túrkııanyń tótenshe jaǵdaılar jónindegi basqarmasynyń basshysy Júnis Sezer osyndaı málimet aıtqan, dep habarlaıdy QazAqparat tilshisi.

«Kindigi Qahramanmarashta bolǵan jer silkinisiniń qurbandar sany 50 096 boldy. 107 204 adam zardap shekti» - dedi ol jýrnalısterge.

Sondaı-aq, ol 300-den astam adam qurylys talaptaryn buzýymen baılanysty kúdikter boıynsha qamaýǵa alynǵan aıtty. Naqtyraq aıtsaq, 104 merdiger, 161 prorab, 15 ǵımarat ıesi, úılerdiń bastapqy qurylymyna ózgeris engizgen 18 adam kúdikke ilinip otyr.

Eske salsaq, 6 aqpanda Túrkııanyń ońtústik-shyǵysynda 7,7, jáne 7,6 baldyq jer silkinisteri bolyp, dúmpýi Sırııany da ábigerge salǵan. Resmı derek boıynsha, Túrkııanyń ózinde ǵana apat saldarynan 50 myńnan astam turǵyn qaza taýyp, 107 myńnan astam zardap shekken.